స్థితుల్లో మార్పులు తెచ్చే సామర్థ్యాలు!

జనరల్‌ స్టడీస్‌ ఫిజికల్‌ సైన్సెస్‌

సంచిని కిరాణా వస్తువులతో నింపి బిల్లింగ్‌ కౌంటర్‌ దగ్గరకు మోసుకొస్తే  ఒక పని జరిగినట్లు. ఈ క్రమంలో గురుత్వాకర్షణ శక్తికి వ్యతిరేకంగా శరీర కండరాల  నుంచి కొంత శక్తి సంచికి చేరుతుంది. ఇంధనంలోని రసాయనశక్తిని గతిశక్తిగా ఇంజిన్‌ మార్చి డ్రైవింగ్‌లో కారు కదలడానికి సాయపడుతుంది. సెల్‌ఫోన్‌ ఛార్జర్‌ విద్యుత్తు శక్తిని రసాయన శక్తిగా చేసి, అవసరమైనప్పుడు ఉపయోగించుకోవడానికి వీలుగా బ్యాటరీలో నిల్వ ఉంచుతుంది. ఇవన్నీ శక్తిలోని రకరకాల రూపాలు. పని జరగాలంటే శక్తి కావాలి. శక్తిని సృష్టించడం కుదరదు. కానీ ఒక రూపం నుంచి మరో రూపంలోకి మార్చవచ్చు. పనికి, శక్తికి సంబంధించి భౌతికశాస్త్రంలోని ఈ ప్రాథమిక అంశాలను నిత్య జీవిత ఉదాహరణలతో పోటీ పరీక్షార్థులు తెలుసుకోవాలి. వాటిని కొలవడానికి వాడే ప్రమాణాలను కూడా గుర్తుంచుకోవాలి.