కావేరి నదీ తీరంలో కుంభకోణం!

ఇండియన్‌ జాగ్రఫీ

భారతీయ సంస్కృతి, జీవనం, నాగరికత, అభివృద్ధిలో నదులు అంతర్భాగాలు. ప్రధానంగా హిమాలయ నదులు, ద్వీపకల్ప నదులుగా వందలాదిగా ఉన్న ఈ సహజ వనరులే దేశంలో అధికశాతం ప్రజల తాగు, సాగు నీటి అవసరాలు తీరుస్తున్నాయి. జీవనోపాధితో పాటు ఆధ్యాత్మిక, పర్యాటక రంగాలకు కేంద్ర బిందువులయ్యాయి. ప్రధాన నగరాలు, పట్టణాలన్నీ వాటి తీరాల్లో అభివృద్ధి చెందినవే. దేశ నదీవ్యవస్థ, ప్రధాన నదుల విశేషాలు, నైసర్గిక స్వరూపం గురించి పోటీ పరీక్షార్థులకు సమగ్ర అవగాహన ఉండాలి. నదుల జన్మస్థానాలు, ప్రవాహ మార్గాలు, పరీవాహక ప్రాంతాలున్న రాష్ట్రాలు, ముఖ్యమైన ఉపనదులు, నదుల ఆధారంగా ఏర్పడిన సరస్సులు, జలపాతాల గురించి విస్తృతంగా తెలుసుకోవాలి.