APPSC: గ్రూప్-1 నోటిఫికేషన్‌ విడుదల.. పోస్టులు ఎన్నంటే?

APPSC Group 1 Notification| అమరావతి: ఆంధ్రప్రదేశ్‌లో గ్రూప్‌-1 నోటిఫికేషన్‌ విడుదలైంది. ఈ నోటిఫికేషన్‌ ద్వారా రాష్ట్రంలో మొత్తం 81 Group 1 పోస్టులను భర్తీ చేయనున్నట్లు ఏపీపీఎస్సీ (APPSC) వెల్లడించింది. వచ్చే ఏడాది జనవరి 1 నుంచి 21వ తేదీ వరకు ఆన్‌లైన్‌ దరఖాస్తులు స్వీకరించనున్నారు. ప్రిలిమినరీ పరీక్ష మార్చి 17న నిర్వహిస్తారు. ఆఫ్‌లైన్‌ మోడ్‌లో ఆబ్జెక్టివ్‌ విధానంలో ఈ పరీక్ష ఉంటుంది. డిస్క్రిప్టివ్‌ విధానంలో నిర్వహించబోయే మెయిన్‌ పరీక్ష తేదీని ఇంకా ఖరారు చేయలేదు. ఎన్నికలు సమీపిస్తున్న వేళ నిన్న 897 గ్రూప్‌-2 ఉద్యోగాల భర్తీకి నోటిఫికేషన్‌ విడుదల చేసిన రాష్ట్ర ప్రభుత్వం.. తాజాగా గ్రూప్‌ 1 నోటిఫికేషన్‌ విడుదల చేసింది.  

పోస్టుల వివరాలివే..

ఏపీ సివిల్‌ సర్వీస్‌ (ఎగ్జిక్యూటివ్‌ బ్రాంచ్‌) డిప్యూటీ కలెక్టర్‌ పోస్టులు 9; ట్యాక్స్‌ అసిస్టెంట్‌ కమిషనర్‌ 18; డీఎస్పీ (సివిల్‌) 26; రీజనల్‌ ట్రాన్స్‌పోర్టు ఆఫీసర్‌ 6; కోఆపరేటివ్‌ సర్వీసెస్‌లో డిప్యూటీ రిజిస్ట్రార్‌ పోస్టులు 5; జిల్లా ఎంప్లాయిమెంట్‌ ఆఫీసర్‌ 4; జిల్లా సాంఘిక సంక్షేమ అధికారి 3; అసిస్టెంట్‌ ట్రెజరీ ఆఫీసర్‌/అసిస్టెంట్‌ అకౌంట్స్‌ అధికారి పోస్టులు 3; అసిస్టెంట్‌ ఆడిట్‌ ఆఫీసర్‌ 2; జైళ్ళ శాఖలో డిప్యూటీ సూపరింటెండెంట్‌,  జిల్లా బీసీ వెల్ఫేర్‌ ఆఫీసర్‌, మున్సిపల్‌ కమిషనర్‌ గ్రేడ్‌ II, అసిస్టెంట్ ప్రొహిబిషన్‌ అండ్‌ ఎక్సైజ్‌ సూపరింటెండెంట్‌ పోస్టులు ఒక్కొక్కటి చొప్పున ఉన్నాయి. పరీక్ష విధానం, సిలబస్ తదితర పూర్తి వివరాలను ఈ కింది పీడీఎఫ్‌లో చూడొచ్చు.