IBPS PO Prelims: ఐబీపీఎస్‌ పీవో/ఎంటీ ప్రిలిమ్స్‌ పరీక్ష స్కోర్‌ కార్డు ఇదిగో!

దిల్లీ: దేశవ్యాప్తంగా ఉన్న వివిధ ప్రభుత్వ రంగ బ్యాంకుల్లో ప్రొబేషనరీ ఆఫీసర్లు/ మేనేజ్‌మెంట్ ట్రెయినీ పోస్టుల భర్తీకి ఐబీపీఎస్‌ ఆన్‌లైన్‌ ప్రిలిమ్స్‌ పరీక్ష నిర్వహించిన విషయం తెలిసిందే. ఇటీవల ఈ ఫలితాలను విడుదల చేసిన ఐబీపీఎస్‌ అధికారులు తాజాగా ఆన్‌లైన్‌ స్కోరు కార్డులను అందుబాటులో ఉంచారు. ఈ స్కోరు కార్డుల్ని అక్టోబర్‌ 25 నుంచి నవంబర్‌ 5వరకు డౌన్‌లోడ్‌ చేసుకోవచ్చు. వీటిని పొందేందుకు అభ్యర్థులు తమ రిజిస్ట్రేషన్‌/రోల్‌ నంబర్‌, పాస్‌వర్డ్‌/పుట్టిన తేదీ వివరాలు, క్యాప్చా కోడ్‌ను ఎంటర్‌ చేయాల్సి ఉంటుంది.

స్కోర్‌ కార్డు కోసం క్లిక్‌ చేయండి

ఇనిస్టిట్యూట్‌ ఆఫ్‌ బ్యాంకింగ్‌ పర్సనల్‌ సెలెక్షన్‌ (ఐబీపీఎస్‌ పీవో/ ఎంటీ-XIII 2024-25) ప్రకటన ద్వారా మొత్తం 3,049 పీవో ఉద్యోగాల భర్తీకి ఆగస్టు 1 నుంచి 28వరకు దరఖాస్తులు ఆహ్వానించిన విషయం తెలిసిందే.  సెప్టెంబర్‌ 23, 30, అక్టోబర్‌ 1 తేదీల్లో ప్రిలిమ్స్‌ ఆన్‌లైన్‌ పరీక్ష నిర్వహించిన అధికారులు.. తాజాగా స్కోరు కార్డును అందుబాటులోకి తీసుకొచ్చారు. ప్రిలిమ్స్‌లో అర్హత సాధించిన అభ్యర్థులు ఐబీపీఎస్‌ మెయిన్‌ రాత పరీక్షలు, ఇంటర్వ్యూ, ధ్రువపత్రాల పరిశీలన, మెడికల్‌ ఎగ్జామ్‌ ద్వారా పీవో పోస్టులకు పోటీపడాల్సి ఉంటుంది.