Bank Jobs: భారీ వేతనం.. IOBలో ఆఫీసర్‌ ఉద్యోగాలు

Bank Jobs Recruitment| ఇంటర్నెట్‌ డెస్క్‌: ప్రముఖ ప్రభుత్వ రంగ బ్యాంకు ఇండియన్‌ ఓవర్సీస్‌ బ్యాంకు (IOB)లో ఉద్యోగాల భర్తీకి నోటిఫికేషన్‌ వెలువడింది. చెన్నై ప్రధాన కేంద్రంగా దేశవ్యాప్తంగా సేవలందిస్తోన్న ఈ బ్యాంకులో  వివిధ విభాగాల్లో మొత్తం 66 స్పెషలిస్ట్‌ ఆఫీసర్‌ ఉద్యోగాలకు దరఖాస్తులు ఆహ్వానిస్తున్నారు. అర్హులైన అభ్యర్థులు నవంబర్‌ 19 వరకు ఆన్‌లైన్‌ https://www.iob.in/Careersలో దరఖాస్తు చేసుకోవచ్చు.

• విద్యార్హతలు: లా, బీఈ/బీటెక్‌/ఎంటెక్‌, బీఆర్క్‌, ఏదైనా డిగ్రీ , సీఏ/ఎంసీఎ/ఎమ్మెస్సీ/ఎంబీఏ/పీజీడీబీఎం, సీబీసీఏ/సీఏ ఉత్తీర్ణత
• అనుభవం: సంబంధిత విభాగాల్లో కొంత కాలం పాటు పనిచేసిన అనుభవం తప్పనిసరి. ఈ ఉద్యోగాలకు ఎంపికైన అభ్యర్థులు దేశంలో ఎక్కడైనా పనిచేయాల్సి ఉంటుంది.
• వేతనం: పోస్టులను బట్టి కనిష్ఠంగా రూ.48 వేలు నుంచి గరిష్ఠంగా రూ.89వేల వరకు వేతనం ఉంటుంది. ఉద్యోగంలో చేరిన రోజు నుంచి రెండేళ్ల పాటు ప్రొబేషన్‌ ఉంటుంది.
• వయో పరిమితి: అభ్యర్థుల వయస్సు 25 - 40 ఏళ్ల లోపు ఉండాలి. ప్రభుత్వ నిబంధనల ప్రకారం ఆయ వర్గాల వారికి వయో సడలింపు ఉంది.
• దరఖాస్తు రుసుం: ఎస్సీ/ఎస్టీ/దివ్యాంగులకు కేవలం ఇంటిమేషన్‌ ఛార్జీల కింద రూ.175లు. ఇతరులు (ఓబీసీ/ఈడబ్ల్యూఎస్‌ కలిపి) రూ.850లు చొప్పున చెల్లించాల్సి ఉంటుంది.
• ఎంపిక విధానం: ఆన్‌లైన్‌ పరీక్ష, ఇంటర్వ్యూ ఆధారంగా ఎంపిక చేస్తారు.