SBI PO Results: ఎస్‌బీఐ పీవో మెయిన్స్‌ ఫలితాలు వచ్చేశాయ్‌.. ఫేజ్‌-3 పరీక్ష తేదీలివే..!

SBI PO Mains Results | ముంబయి: దేశంలో అతిపెద్ద ప్రభుత్వరంగ బ్యాంకు స్టేట్‌ బ్యాంక్‌ ఆఫ్‌ ఇండియా (State Bank of India)లో 2000 ప్రొబేషనరీ ఆఫీసర్ల (PO) భర్తీకి నిర్వహించిన మెయిన్స్‌ పరీక్ష ఫలితాలు విడుదలయ్యాయి. ఈ ఫలితాలను ఎస్‌బీఐ గురువారం విడుదల చేసింది. గతేడాది నవంబర్‌ 21న  ప్రిలిమ్స్‌ ఫలితాలు ప్రకటించిన అధికారులు.. డిసెంబర్‌ 5, 16 తేదీల్లో మెయిన్స్‌ పరీక్ష నిర్వహించారు. మెయిన్స్‌ పరీక్షలో షార్ట్‌లిస్ట్‌ అయిన అభ్యర్థులు సైకోమెట్రిక్‌ వంటి ఫేజ్‌-3 పరీక్షకు సిద్ధం కావాల్సి ఉంటుంది. సైకోమెట్రిక్‌ పరీక్ష జనవరి 16 నుంచి, గ్రూప్‌ ఎక్సర్‌సైజ్‌, పర్సనల్‌ ఇంటర్వ్యూలు జనవరి 21 నుంచి నిర్వహించనున్నట్లు అధికారులు వెల్లడించారు. అభ్యర్థులు తమ ఫలితాలను  https://sbi.co.in/ లింక్‌పై క్లిక్‌ చేయడం ద్వారా తెలుసుకోవచ్చు.