SBI PO Admit Cards: ఎస్‌బీఐ పీవో ప్రిలిమినరీ పరీక్ష అడ్మిట్‌ కార్డులు విడుదల

దిల్లీ: దేశంలోనే అతిపెద్ద ప్రభుత్వరంగ బ్యాంకు  స్టేట్‌ బ్యాంక్‌ ఆఫ్‌ ఇండియా(SBI) బ్రాంచ్‌లలో 2వేల పీవో (ప్రొబేషనరీ ఆఫీసర్‌) ఉద్యోగాల భర్తీకి దరఖాస్తులు స్వీకరించిన విషయం తెలిసిందే. ఈ ఉద్యోగాలకు నవంబర్‌ 1 నుంచి 6వరకు ప్రిలిమినరీ రాత పరీక్షలు జరగనున్నాయి. ఈ నేపథ్యంలో  SBI PO prelims పరీక్షలకు సంబంధించిన అడ్మిట్‌ కార్డులు అందుబాటులోకి వచ్చాయి. దరఖాస్తు చేసుకున్న అభ్యర్థులు ఈ లింక్‌పై https://sbi.co.in/web/careers క్లిక్‌ చేసి తమ రిజిస్ట్రేషన్‌ నంబర్‌, పాస్‌వర్డ్‌ ఎంటర్‌ చేయడం ద్వారా నవంబర్‌ 6వరకు అడ్మిట్‌ కార్డుల్ని పొందొచ్చు.

ఈ కొలువులకు ఎంపికైన అభ్యర్థులు దేశ వ్యాప్తంగా ఉన్న ఎస్‌బీఐ శాఖల్లో విధులు నిర్వర్తించాల్సి ఉంటుంది. తెలుగు రాష్ట్రాల్లో చీరాల, చిత్తూరు, ఏలూరు, గుంటూరు, కడప, కాకినాడ, కర్నూలు, నెల్లూరు, ఒంగోలు, రాజమండ్రి, శ్రీకాకుళం, తిరుపతి, విజయవాడ, విశాఖపట్నం, విజయనగరం, ఖమ్మం, కరీంనగర్, వరంగల్ నగరాల్లో ప్రిలిమ్స్‌ పరీక్షకు సెంటర్లను ఏర్పాటు చేశారు. నవంబర్‌లో ఆన్‌లైన్‌ ప్రిలిమినరీ పరీక్ష అనంతరం డిసెంబర్‌/జనవరిలో ఆన్‌లైన్‌ మెయిన్‌ పరీక్ష; జనవరి/ఫిబ్రవరిలో సైకోమెట్రిక్‌, ఇంటర్వ్యూ, గ్రూప్‌ ఎక్సర్‌సైజ్‌ పరీక్షలు ఉంటాయి. ఫిబ్రవరి/మార్చిలో ఫలితాలు విడుదల చేసే అవకాశం ఉంది.