kids story: జోయి కోచింగ్ సెంటర్..పక్షులకు మాత్రమే ప్రవేశం..!
హాయ్ నేస్తాలూ..! ఇప్పటి వరకు మనకు.. ఆటలు, పాటలు, చదువు.. ఇంకా ఎన్నో రంగాల్లో శిక్షణ గురించి తెలుసు. కానీ అది మన మానవులకు మాత్రమే కదా! ‘మరి ఈ రంగాల్లో శిక్షణంటే.. మనుషులకే కదా ఇచ్చేది’ అనుకుంటున్నారు కదూ! కానీ ఇక్కడ కోడికి శిక్షణ ఇచ్చారు.
హాయ్ నేస్తాలూ..! ఇప్పటి వరకు మనకు.. ఆటలు, పాటలు, చదువు.. ఇంకా ఎన్నో రంగాల్లో శిక్షణ గురించి తెలుసు. కానీ అది మన మానవులకు మాత్రమే కదా! ‘మరి ఈ రంగాల్లో శిక్షణంటే.. మనుషులకే కదా ఇచ్చేది’ అనుకుంటున్నారు కదూ! కానీ ఇక్కడ కోడికి శిక్షణ ఇచ్చారు. ఆశ్చర్యంగా ఉంది కదా! ఆలస్యం చేయకుండా వెంటనే కథనం చదివేయండి. ఆ వివరాలేంటో మీకే తెలిసిపోతాయి!
ఇటలీకి చెందిన జోయి ఓ కోడికి సంగీతం వాయించడంలో శిక్షణ ఇస్తోంది. ఆశ్చర్యపడకండి.. ఇది నిజమే! తనకు జంతువులు, పక్షులంటే చాలా ఇష్టమట. ఆమెకు అయిదేళ్ల వయసు ఉన్నప్పుడే.. వాళ్ల ఇంట్లో ఉండే చిన్ని పావురానికి శిక్షణ ఇచ్చేదట. కొన్ని సంవత్సరాల తర్వాత.. కోళ్లు ఏవైనా తొందరగా నేర్చుకోగలవని అనుకొని, క్రియోల్ అనే కోడిని ఎంచుకొని దానికి శిక్షణ ఇస్తోంది మన జోయి. దానితో పాటుగా మరిన్ని కోళ్లు, ఫాల్కన్లు, పావురాలు, టర్కీ కోళ్లకు శిక్షణ ఇస్తోంది.
చాలా కష్టమట!
పక్షులకు వివిధ అంశాల్లో శిక్షణ ఇవ్వడం అంత సులభమేం కాదట నేస్తాలూ! ఫాల్కన్లు కాస్త ప్రమాదకమైనవట. కెనరీ పక్షులేమో.. ఎక్కువగా ఎగురుతాయట. ఒక్కసారి అవి పారిపోతే మళ్లీ తీసుకురావడం చాలా కష్టమట. ‘అందుకే వాటిని జాగ్రత్తగా చూసుకుంటూ అన్నీ నేర్పించాల్సి ఉంటుంది. చాలా ఓపికగా వాటిని మచ్చిక చేసుకోవాలి. లేకపోతే స్థిరంగా ఒకచోట ఉండలేవు. చెప్పినట్లు నేర్చుకోలేవు. దీనికి.. ప్రశాంతంగా పని చేసుకోవడం ఒక్కటే మార్గం. అప్పుడే మన చుట్టుపక్కల ఉండే జీవులు కూడా చెప్పినట్లు వింటాయి’ అని జోయి చెబుతోంది.
ఎంతో ఓపికతో...
ఇప్పుడు తన దగ్గర ఉన్న పక్షులకు.. సంగీత పరికరాలు వాయించడం, పల్టీలు కొట్టడం, బంతులతో ఆటడం వంటివి నేర్పుతుందట. ఓపికతో ఇవన్నీ నేర్పిస్తున్న జోయిని.. ‘గిన్నిస్ బుక్ ఆఫ్ వరల్డ్ రికార్డ్స్’ వారు కూడా గుర్తించారు. తనతో పాటు ఆమె శిక్షణ ఇచ్చే క్రియోల్ అనే కోడికి కూడా అందులో స్థానం కల్పించారు. ఈ విశేషాలు భలే ఉన్నాయి కదా నేస్తాలూ!
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
-
ఆమెకు క్యాబ్ ఖర్చే ₹16 వేలట.. మరి కారే కొనుక్కోవచ్చుగా..!
-
నేను సినిమాలు చేస్తూనే ఉంటా.. మీ పని మీరు చేయండి: విశాల్ పోస్ట్
-
ఏపీలో ఎమ్మెల్సీ ఎన్నికల ఓటరు నమోదుకు ఈసీ ప్రకటన
-
ఆ మెయిల్తో వచ్చే సమాచారం మేం పంపలేదు: మంచు విష్ణు నిర్మాణ సంస్థ