ఇది స్మార్ట్‌ యోగా మ్యాట్‌!

యోగా మ్యాట్‌ రకరకాల రంగుల్లో లేదా డిజైన్లలో మాత్రమే ఉండటం చూస్తుంటాం. కానీ ఇప్పుడు ఆ మ్యాట్‌నూ స్మార్ట్‌ ఫీచర్లతో తయారుచేశారు నిపుణులు. అలా వచ్చిందే ఈ ‘యోగిఫి’ మ్యాట్‌. యోగా గురువు అవసరం లేకుండా వ్యక్తిగత ఫిట్‌నెస్‌ ట్రైనర్‌లా పనిచేసే ఈ మ్యాట్‌తో లాభాలు చాలానే ఉన్నాయి. దీన్ని ఏఐతో రూపొందించడం వల్ల ఆప్‌తో అనుసంధానమై ఉంటుంది. ఒక ఆసనాన్ని ఎలా వేయాలో చెబుతూనే సరిగ్గా వేస్తున్నామా లేదా, కాళ్లనూ చేతులనూ ఎంత చాచాం... శరీరాన్ని చెప్పినట్లుగా వంచామా... ఇలా అన్నింటినీ వివరిస్తుంది. ప్రతిరోజూ వేసిన ఆసనాల తాలుకూ హిస్టరీ కూడా ఇందులో పొందుపరిచి ఉంటుంది. బరువునూ గమనించుకోవచ్చు. ఫోనూ, ట్యాబూ, స్మార్ట్‌వాచీనీ అనుసంధానం చేసుకునే ఈ మ్యాట్‌ కేబుల్‌, మొబైల్‌ స్టాండ్‌తో కలిపి వస్తుంది. అప్పుడప్పుడూ ఛార్జింగ్‌ చేసుకుంటే ఒక వ్యక్తిగత ఫిట్‌నెస్‌ గురు మన వెంట ఉన్నట్లే.