దీపం కొండెక్కకుండా...

పండుగలప్పుడూ, ప్రత్యేక పూజలు చేసినప్పుడూ కొంతమంది ఆ రోజంతా దీపం వెలుగుతూ ఉండాలను కుంటారు. అది కొండెక్కకుండా ఉండటానికి ప్రత్యేకమైన జాగ్రత్తలు తీసుకుంటారు. ఎప్పటి కప్పుడు వత్తులు సరి చేయడమూ, కుందుల్లో నూనె పోయడం లాంటివి చేస్తుంటారు. ఇలాంటి అవసరాల కోసమే ‘అఖండ్‌ దీప్‌’ పేరుతో దీపాలు వచ్చాయి. ఫొటోలో చూపినట్టుగా దీపం పక్కన పెద్ద నూనె గాజు గిన్నె కూడా ఉంటుంది. దాన్నిండా నూనె పోశామంటే... పక్కనున్న కుందులోని నూనె తగ్గినకొద్దీ పెద్ద గిన్నెలోంచి నూనె దీంట్లోకి చేరుతుంది. దీంతో నిరంతరాయంగా దీపం వెలుగుతూ ఉంటుంది. వీటిల్లో చిన్న సైజు నుంచి లీటర్‌ నూనె సరిపోయేంత పెద్ద సైజు వరకూ ఉన్నాయి. చుట్టూ ఐదు దీపాలతో ఉన్నవీ దొరుకుతాయి. మన అవసరాన్ని బట్టి ఎంచుకుని పూజలో భాగం చేసుకోవచ్చు.