నొప్పిని తగ్గించే బొమ్మలు!

చిన్నారులకు జ్వరం వచ్చినా దెబ్బ తగిలినా వాళ్లను ఒప్పించి మందులివ్వడమేకాదు, శరీర ఉష్ణోగ్రత తగ్గడానికి తలపైన తడి గుడ్డనూ ఉంచలేం, వాపు మీద వేడినీళ్లతో కాపడాన్నీ పెట్టలేం. అది దృష్టిలో ఉంచుకునే పిల్లలకు నచ్చేట్టు బోలెడన్ని నొప్పిని తగ్గించే వస్తువులూ మార్కెట్లోకి వస్తుంటాయి. ‘ఫోమీ కిడ్స్‌ ఫన్‌ పెయిన్‌ రిలీవింగ్‌ హాట్‌ అండ్‌ కోల్డ్‌ ప్యాక్‌’, ‘హలో మాస్క్‌ కిడ్స్‌ ఐస్‌ ప్యాక్‌’ పేర్లతో దొరికే ఈ ప్యాకులూ అలాంటివే. ఏనుగు, సింహం, పాండాలాంటి జంతువుల బొమ్మలూ రకరకాల కార్టూన్‌ పాత్రల చిత్రాలతో చూడ్డానికీ భలేగా ఉంటాయి. చల్లదనం కోసం ఫ్రిజ్‌లో, వెచ్చదనం కోసం వేడినీళ్లలో పెట్టుకుని అవసరమైన చోట వాడుకోవచ్చు. బొమ్మలతో ఉండే ఈ ప్యాకుల్ని చూస్తే పిల్లలూ వద్దని మారాం చేయరు.