ఐస్‌క్రీమ్‌ గిన్నెలివి!

ఇంటికొచ్చిన అతిథులకు మనమిచ్చే కమ్మకమ్మని, చల్లచల్లని ఐస్‌క్రీమ్‌ కన్నా ముందుగా దాన్ని పెట్టి ఇచ్చే గిన్నెనే నోరూరిస్తే- భలేగా ఉంటుంది కదూ. పిల్లలకు రకరకాల ఐస్‌క్రీమ్స్‌ని కలిపి దాన్ని ఐస్‌కోన్‌ పాత్రలో వేసి ఇస్తే- ఎంతో ముచ్చటపడిపోరూ. ఇలాంటి సరదాలు తీరాలంటే ఇంట్లో ఇతర పాత్రలతో పాటూ ఇక్కడ కనిపిస్తున్న ఐస్‌క్రీమ్‌ బౌల్స్‌ని కొని తెచ్చుకోండి. ఐస్‌క్రీమ్‌ కోన్‌, ఐస్‌క్రీమ్‌ కప్‌ ఆకారాల్లో చెంచా, గిన్నెలతో కలిపి సెట్లుగా దొరుకుతున్నాయి. ప్లాస్టిక్‌, సిరామిక్‌, మెటల్‌ పదార్థాలతో రంగు రంగుల్లో ఎన్నో వెరైటీల్లో ఉన్నాయివి. బంధువులొచ్చినప్పుడో, ఇంట్లో అందరికీ సరిపోవాలనుకున్నప్పుడో ఐస్‌క్రీమ్‌ డబ్బాల్ని కొని తెస్తే, ఎంచక్కా వీటిల్లో పెట్టుకుని ఆ చల్లని ఐస్‌క్రీమ్‌ని ఆస్వాదించొచ్చు.