సరికొత్త దీపాల స్టాండ్లు!

రోజూ పూజ గదిలోనో, తులసికోట దగ్గరో, ప్రత్యేక పూజలప్పుడో దీపాల్ని వెలిగించి వాటిని దీపపు స్టాండ్ల మీద ఉంచుతారు. కొంతమంది దీపాల కింద ముగ్గులూ వేస్తుంటారు. మరికొందరు గోడలపైన దేవుడి పటాలు తగిలించి దీపం వెలిగించడానికి ఇతర ఏర్పాట్లూ చేసుకుంటారు. అలాంటి గృహిణు లందరి కోసమే దేవుళ్ల చిత్రాలతో ముగ్గులు వేసి ఉన్న కొత్తరకం దీపాల స్టాండ్లు దొరుకుతున్నాయి. వీటిని, కావాలంటే మందిరంలో దీపాల స్టాండుల్లా వాడుకోవచ్చు, లేదంటే ప్రత్యేకంగా దేవుడి చిత్రపటాల అవసరం లేకుండా ఇష్టదైవంతో ఉన్న ఈ దియా స్టాండ్లనే పెట్టుకోవచ్చు. గణపతి, లక్ష్మి, వేంకటేశ్వరస్వామి, శివుడు, సత్యనారాయణ స్వామి... ఇలా దేవుళ్ల చిత్రాలన్నింటితోనూ దొరుకుతున్నాయివి. పూజలూ, వ్రతాల్లో రిటర్న్‌ గిఫ్టులుగా బాగుంటాయి!