అక్వేరియమే కానీ...

బుజ్జిబుజ్జి చేపలు నీటిలో అటూ ఇటూ తిరుగాడుతుంటే చూడ్డానికి ఎంత బాగుంటుందో కదా. ఆ అనుభూతిని రోజూ పొందడానికి కొంతమంది ఇంట్లోనే అక్వేరియాన్ని ఏర్పాటు చేసుకుంటారు. అయితే ఎప్పటికప్పుడు నీళ్లను మార్చడం, చేపలకు ఆహారం వేయడం లాంటివి తప్పవు. అందుకే అక్వేరియమంటే ఇష్టమున్నా ఆ పనులన్నీ చేయడం కుదరని వాళ్లు దాని జోలికే వెళ్లరు. కానీ ఈ ‘ఎలక్ట్రిక్‌ ఆర్టిఫిషియల్‌ అక్వేరియం’ తెచ్చుకున్నా మంటే అవేమీ చేయక్కర్లేదు. ఎందుకంటే చూడ్డానికి నిజమైన అక్వేరియంలా కనిపించినా... ఇందులోని చేపలన్నీ ఉత్తుత్తివే. ఈ ఆర్టిఫిషియల్‌ అక్వేరియాన్ని ప్లగ్‌కు కనెక్ట్‌ చేశామంటే...  బొమ్మ చేపలన్నీ నిజమైన చేపల్లా చక్కర్లు కొడుతున్నట్టు భలేగా కనిపిస్తాయి. ఒక్కమాటలో చెప్పాలంటే అసలైన అక్వేరియం కాదంటే ఎవరూ నమ్మలేరు మరి!