ఎద్దులపోటీ చూడాల్సిందే...

మనదేశంలో కొందరు క్రికెట్‌ వీరాభిమానులుంటారు. భారత్‌లో ఏ మూల ఏ మ్యాచ్‌ జరిగినా ఆ స్టేడియానికి వెళ్ళిపోయి ఆటని ఆస్వాదిస్తూ వార్తలకెక్కుతారు. అలాంటి అభిమానం అంతర్జాతీయ ఆటకే ఎందుకుండాలి... స్థానిక క్రీడలకి ఉండకూడదా అనిపిస్తుంది సుందరమ్మ అన్న ఈ పండు ముదుసలిని చూస్తే! తమిళనాడులో ఏటా సంక్రాంతి తర్వాత ఎద్దుని పట్టే ‘జల్లికట్టు’ పోటీలు జరగుతుంటాయని తెలుసుకదా! ఆ పోటీలు అక్కడి మదురై నగరం, దాని చుట్టుపక్కలున్న రెండు మూడు జిల్లాల్లో చోటుచేసుకుంటాయి. ఆరునూరైనా ఏటా ఆ పోటీలన్నింటికీ హాజరైపోతుంది సుందరమ్మ. అదీ ఎక్కణ్ణుంచి అనుకున్నారు... చెన్నై నుంచి. అంటే ఈ వయసులో సుమారు 500 కిలోమీటర్లు ప్రయాణించి మరీ ఈ పోటీలు చూస్తుందన్నమాట. ఇంతకీ చెన్నైలో ఉపాధి హామీ కూలీపనులు చేస్తుంటుందామె. అయినవాళ్ళెవరూ లేకపోవడంతో- ఏడాదంతా అలా శ్రమించి దాచుకున్న డబ్బుతో ఏటా ఇలా జల్లికట్టు పోటీలకి  హాజరైపోతుంది. అలుపెరగని ఉత్సాహంతో పోటీపడేవాళ్ళని ప్రోత్సహిస్తుంది!

​​​​​​​