రంజాన్‌ నెలంతా ఉచితం!

పుణ్యక్షేత్రాలకూ దర్శనీయ ప్రదేశాలకూ దగ్గర్లో ఉన్న హోటళ్లలో అద్దె ఎక్కువగానే ఉంటుంది. పండుగలూ, ఇతర పర్వదినాలప్పుడూ అదనంగా ఛార్జ్‌ చేస్తారు. పవిత్ర రంజాన్‌ మాసంలో రాజస్థాన్‌లోని అజ్మేర్‌ దర్గా కిటకిటలాడుతుంటుంది. ఎంత డబ్బు పోసినా అక్కడ హోటళ్లు దొరకడం చాలా కష్టం. ఆ ఇబ్బందులన్నీ పడలేక పేదవారు రోడ్డుపక్కనే నిద్రించడం, నమాజు చేసుకోవడం చూశాడు... దర్గా పరిసరాల్లో త్రీస్టార్‌ హోటల్‌ నడుపుతున్న ఆదిత్య గోయల్‌. దాదాపు పాతికేళ్లుగా హోటల్‌ రంగంలో ఉన్న ఆయన రంజాన్‌ మాసంలో పేదలకు ఉచితంగా రూములు ఇవ్వడంతోపాటు ప్రతిరోజూ ఇఫ్తార్‌ విందు కూడా ఏర్పాటు చేస్తుంటాడు. హోటల్‌కి బస కోసం వచ్చేవారు ఎక్కువగా ఉన్నప్పుడు సొంత ఖర్చులతో వేరేచోట వసతి కల్పించే ఆదిత్య.. వారికి దారి ఖర్చులు కూడా అందివ్వడం విశేషం.