రామబాణంపై నడిచేయొచ్చు!

పర్యటక ప్రదేశమైన చిత్రకూట్‌... శ్రీరాముడికి ఎంతో ఇష్టమైన ప్రదేశంగా చెబుతారు. ఉత్తర్‌ప్రదేశ్‌లోని ఆ ప్రాంతంలో వనవాస కాలంలో సీతారామ లక్ష్మణులు తలదాచుకోవడమే అందుకు కారణమట. ప్రకృతి రమణీయతకు అద్దం పట్టే ఆ ప్రదేశంలో ఉంటుంది కోదండ వనం. ఆ అటవీ ప్రాంతంలో తులసి జలపాతమొకటి పర్యటకుల్ని ఆకట్టుకుంటుంది. ఇప్పుడు అక్కడే నలభై అడుగుల ఎత్తులో విల్లు, బాణం ఆకృతిలో ఓ గ్లాసు బ్రిడ్జిని నిర్మించింది ఆ రాష్ట్ర పర్యటక శాఖ. అంత ఎత్తులో నిల్చుంటేనే ఒళ్లు గగుర్పొడుస్తుంది. మరి పారదర్శకంగా ఉండే ఆ రామబాణంపైన నిల్చుంటే కాళ్ల కింద జలపాతం జాలువారుతూ చూడ్డానికి ఎంతో బాగుంటుందట.