హ్యారీ ప్రపంచమిది!

ప్రపంచంలోనే అత్యధికంగా అమ్ముడుపోయిన పుస్తకాల్లో ఒకటి హ్యారీ పాటర్‌. హ్యారీతోపాటు మనల్నీ మాయా లోకానికి తీసుకెళ్లి ఓ కొత్త ప్రపంచాన్ని పరిచయం చేసిన ఈ నవల- ఎనిమిది సిరీస్‌లుగా వెండి తెరమీదకూ వచ్చి అన్ని వయసుల వారినీ ఆకట్టుకుంది. నవలల్లోనూ, తెరపైనా మనకు చూపిన ఆ అద్భుత ప్రపంచాన్ని ఇప్పుడు నిజంగానే సృష్టించారు. హ్యారీ పాటర్‌లోని మాయా ప్రపంచాన్నీ, మాంత్రికుణ్నీ, మంత్ర దండాన్నీ, వింత జీవుల్నీ, ఎగిరే గుర్రంతోపాటు అబ్బురపరిచే వింతలెన్నింటినో చూడాలంటే- ఆస్ట్రేలియా మెల్‌బోర్న్‌లోని హ్యారీపాటర్‌ ఫోర్బిడెన్‌ పార్కుకు వెళ్లాల్సిందే. ఓ ఈవెంట్‌ మేనేజ్‌మెంట్‌ సంస్థ ఏర్పాటు చేసిన ఈ మాయా ప్రపంచంలో విహరించి సరికొత్త అనుభూతిని సొంతం చేసుకోవచ్చు.