పెట్రోలింగ్‌కు రోల్స్‌రాయిస్‌!

సాధారణంగా పోలీస్‌ డిపార్ట్‌మెంట్‌లో పెట్రోలింగ్‌కు మామూలు కార్లనే వాడుతుంటారు ఎక్కడైనా. ఫ్లోరిడాలోని మియామీ నగరంలో మాత్రం విలాసవంతమైన రోల్స్‌రాయిస్‌ను ఉపయోగించి నగరమంతా పెట్రోలింగ్‌ చేస్తూ అందర్నీ ఆశ్చర్యపరుస్తున్నారు అక్కడి పోలీసులు. అసలు ఆ కారు ఎక్కడమే గొప్పగా భావిస్తుంటారు చాలామంది. అలాంటిది- సెలెబ్రిటీలూ ధనవంతులూ మాత్రమే వాడే రోల్స్‌రాయిస్‌ను ప్రపంచంలోనే తొలిసారి పెట్రోలింగ్‌కు వాడి రికార్డు సృష్టిస్తోంది మియామీ పోలీసు డిపార్ట్‌మెంట్‌. రోల్స్‌రాయిస్‌ ఘోస్ట్‌ మోడల్‌ అయిన ఈ కారు ధర రూ. 8 కోట్లకు పైమాటే. ఈ మధ్య మియామీ పోలీసు శాఖలో చేరడానికి యువత ఉత్సాహం చూపకపోవడంతో ఎక్కువ మందిని ఆకర్షించడానికి ఈ ప్రయత్నం చేశారట అక్కడి పోలీసులు అధికారులు.