ప్రపంచంలోనే ఎత్తైన ఎద్దు!

సాధారణంగా పశువులు దాదాపు నాలుగు అడుగుల ఎత్తు ఉంటాయి. ఎక్కడో ఒక చోట అరుదుగా ఐదడుగులున్నవి కనిపిస్తుంటాయి. ఈ మధ్య అమెరికాలోని ఓరెగాన్‌లో సుమారు ఆరున్నర అడుగులున్న ఓ ఎద్దు ప్రపంచంలోనే ఎత్తైందిగా గిన్నిస్‌ రికార్డుల్లోకి ఎక్కింది. హాల్‌స్టైన్‌ జాతికి చెందిన ఆరేళ్ల ఈ ఎద్దు పేరు రోమియో. మసాచూసెట్స్‌కి చెందిన టామీ అనే పశువు ఆరడుగుల ఎత్తుతో చాలా కాలంగా గిన్నిస్‌బుక్‌లో ఉంది. ప్రతిరోజూ పదికేజీల ఆపిల్స్‌నీ, ఎనిమిది గెలల అరటిపండ్లనీ, యాభై కిలోల గడ్డినీ తినే రోమియో తాజాగా ఆ రికార్డును బద్దలు కొట్టింది. పదినెలల వయసులో కబేళాకు తరలిస్తుండగా మిస్టీమూర్‌ అనే రైతు దాన్ని రక్షించి ఇంటికి తీసుకొచ్చి కన్నబిడ్డలా సంరక్షిస్తున్నాడు.