నీటి బ్యాటరీతో స్కూటర్‌!

మొబైల్‌ఫోన్ల నుంచి ఎలక్ట్రిక్‌ వాహనాలదాకా అన్నింటిలోనూ ఇప్పుడు లిథియం-అయాన్‌ బ్యాటరీలనే వాడుతున్నారు. వీటి సామర్థ్యం బాగానే ఉన్నా- అప్పుడప్పుడూ పేలిపోతుంటాయి. వాహనాల్లో ఇది పెద్ద సమస్యలకి దారితీస్తోంది. దీనికి పరిష్కారంగానే నీటితో పనిచేసే సరికొత్త బ్యాటరీలని తాజాగా ఆవిష్కరించారు ఆస్ట్రేలియాకి చెందిన శాస్త్రవేత్తలు. ప్రపంచంలో ఏ బ్యాటరీకైనా- ఆనోడ్‌ క్యాథోడ్‌ అనే రెండు ధ్రువాలుంటాయి. ఓ బ్యాటరీని రీఛార్జ్‌ చేసేటప్పుడు ఆనోడ్‌లోనూ, క్యాథోడ్‌లోనూ పుట్టే విద్యుత్తు కణాలని ఎలక్ట్రోలైట్‌ అనే రసాయనం పెంచుతుంది. ‘లిథియం’ బ్యాటరీనే తీసుకుంటే దాని ఆనోడ్‌కి లిథియంనీ, క్యాథోడ్‌కి అయాన్‌నీ వాడతారు. ఎలక్ట్రోలైట్‌గా ‘ఫాస్ఫేట్‌’ వంటి రసాయనాలను ఉపయోగిస్తారు. ఈ రసాయనాల కారణంగానే పేలుడు సంభవిస్తోంది. దీనికి పరిష్కారంగానే- ఫాస్ఫేట్‌కి బదులుగా నీరూ, సహజ లవణాలతో కూడిన ఎలక్ట్రోలైట్‌లని తయారుచేశారు ఆస్ట్రేలియాలోని మెల్‌బోర్న్‌లో ఉన్న ఆర్‌ఎంఐటీ వర్సిటీ శాస్త్రవేత్తలు. లిథియంకు బదులు జింక్‌ క్యాథోడ్‌ని వాడారు. ఈ నీటి బ్యాటరీతో ఇటీవలే ‘ఈవీ’ స్కూటర్‌నీ నడిపి ఆశ్చర్యపరిచారు పరిశోధకులు!