మీకు తెలుసా

మన రూపాయి బిళ్ళల్లో- దాన్ని ముద్రించిన సంవత్సరం కింద- స్టార్‌, డైమండ్‌, చుక్క ఉంటాయి గమనించారా! అవి ఆ నాణెం ఎక్కడ ముద్రించారో చెబుతాయి. డైమండ్‌- ముంబయినీ, స్టార్‌- హైదరాబాద్‌నీ, చుక్క- నోయిడానీ సూచిస్తాయి. కానీ కొన్ని నాణేలు ఏ గుర్తూ లేకుండా ఖాళీగా ఉంటాయి. ఆ ఖాళీ కోల్‌కతా టంకశాల(మింట్‌కి) సూచిక! అందరూ తమ గుర్తులు పెట్టుకున్నప్పుడు కోల్‌కతా మాత్రం ఎందుకలా వదిలేస్తోందీ అంటే... మనదేశంలో అదే తొలి ముద్రణాశాలట. ఒకప్పుడు అదొక్కటే ఉండేది కాబట్టి ప్రత్యేకంగా తన ముద్రని పెట్టుకోలేదు. కానీ ఆ తర్వాత వచ్చినవి - కోల్‌కతాకంటే భిన్నమైనవని సూచించడానికి తమ ముద్రలు వాడటం మొదలుపెట్టాయి.

 ఆ రెండూ కాదు!

రాజు: నాన్నా! నేనూ, మా ఫ్రెండ్స్‌ కలిసి రేపు ట్రిప్‌కి వెళ్తున్నాం...
తండ్రి: ఇప్పుడు నా పర్మిషన్‌ అడుగుతున్నావా, లేక చెబుతున్నావా?
రాజు: ఆ రెండూ కాదు, డబ్బులు అడుగుతున్నా నాన్నా!