Andhra Pradesh: ఏపీలో ఈసారీ బ్యాంకు ఖాతాల్లోనే పింఛన్లు

వృద్ధులకు అవస్థలు తప్పనట్లే!

మే నెల ప్రారంభంలో ఓ బ్యాంకులో కిక్కిరిసిన పింఛన్‌దారులు

ఈనాడు, అమరావతి: వృద్ధులకు మరోసారి ఇబ్బందులు తప్పేలా లేవు. జూన్‌ 1న సామాజిక భద్రత పింఛన్లను లబ్ధిదారుల బ్యాంకు ఖాతాల్లోనే జమ చేయాలని రాష్ట్ర ప్రభుత్వం నిర్ణయించింది. సచివాలయాల సిబ్బంది ద్వారా ఇంటింటికీ పంపిణీ చేసే అవకాశం ఉన్నా పింఛన్‌దారులను ఇళ్ల నుంచి బయటకు రప్పించి ఏప్రిల్‌ 1న గ్రామ, వార్డు సచివాలయాల్లో పంపిణీ చేసింది. మేలో బ్యాంకు ఖాతాల్లో నగదు జమ చేసి వారిని మరింత ఇబ్బందులు పెట్టింది. ఇప్పుడూ అదే విధానాన్ని కొనసాగించాలని నిర్ణయించింది. దివ్యాంగులు, నడవలేనివారు, వీల్‌ఛైర్‌లోనే ఉండేవారికి మాత్రం ఇంటి వద్దే పింఛన్లు పంపిణీ చేయనున్నారు.