180 జంటల షష్టిపూర్తి మహోత్సవం

రాజానగరం, న్యూస్‌టుడే: ఉగాది వేళ తూర్పుగోదావరి జిల్లా రాజానగరంలో 180 జంటల షష్టిపూర్తి మహోత్సవం బుధవారం సందడిగా సాగింది. ఆర్యవైశ్య సంఘం ఆధ్వర్యాన రొటేరియన్‌ మండవిల్లి వెంకన్నబాబు ఆర్థిక సహకారంతో స్థానిక మాధవి కల్యాణ మండపంలో కార్యక్రమాన్ని నిర్వహించారు. ఉభయ తెలుగు రాష్ట్రాల్లోని పలు జిల్లాల నుంచి 180 జంటలు ఇందులో పాల్గొన్నాయి. వేదికపై శివలింగం ఏర్పాటు చేసి రుద్రాభిషేకం చేశారు. దంపతులు ఒకే ఆకులో భోజనం చేసేలా ఏర్పాట్లు చేశారు. జిల్లా ఆర్య వైశ్య సంఘం ఉపాధ్యక్షుడు గ్రంథి నానబ్బులు, రాజానగరం మండల శాఖ అధ్యక్షుడు సముద్రాల రాంబాబు, కార్యవర్గ సభ్యులు పాల్గొన్నారు.