Nandyal: ఇక నుంచి ఆ రోడ్డు పేరు ‘బుగ్గన మార్గ్‌’

ప్రజాధనంతో వేసిన రహదారులకు మంత్రుల పేర్లు పెట్టే సంప్రదాయమూ రాష్ట్రంలో మొదలైంది. ఆర్థికశాఖ మంత్రి బుగ్గన రాజేంద్రనాథ్‌రెడ్డి సొంత నియోజకవర్గమైన నంద్యాల జిల్లా డోన్‌లో ఇటీవల బీటీ రహదారిని నిర్మించారు. పట్టణంలోని గాంధీ సర్కిల్‌ నుంచి రైల్వేస్టేషన్‌కు వెళ్లే ఈ మార్గం అందుబాటులోకి రావడంలో ఆర్థికమంత్రి కృషి ఉందని.. ఇక నుంచి దాన్ని ‘బుగ్గన మార్గ్‌’ అని పిలుద్దామంటూ పురపాలక కార్యాలయంలో జరిగిన సర్వసభ్య సమావేశంలో పురపాలక ఛైర్మన్‌ ఎస్‌. రాజేష్‌, కమిషనర్‌ వెంకట్రామిరెడ్డి ప్రతిపాదించారు. ఇందుకోసం ప్లకార్డులూ ప్రదర్శించారు. కౌన్సిల్‌ అంతా వైకాపా నుంచి గెలిచిన ప్రజాప్రతినిధులే ఉండటంతో దాన్ని ఆమోదించారు. 

 న్యూస్‌టుడే, డోన్‌ పట్టణం