Wanaparthy: ఒక్కరోజే 32 ప్రసవాలు

న్యూస్‌టుడే, వనపర్తి న్యూటౌన్‌: వనపర్తి మాతాశిశు ఆరోగ్య సంరక్షణ కేంద్రంలో శనివారం 32 ప్రసవాలు జరిగాయి. వీటిలో 17 సాధారణ కాన్పులు కాగా.. 15 సిజేరియన్లు ఉన్నాయి. 13 మందికి తొలి కాన్పులు జరగగా.. వీరిలో 9 మందికి సాధారణ ప్రసవాలు అయ్యాయి. తాజా ప్రసవాల్లో 20 మంది మగ, 12 మంది ఆడ శిశువులు జన్మించారు. వనపర్తిలో మూడు నెలల క్రితం 29 ప్రసవాలు జరగగా.. ఆ రికార్డును ఇప్పుడు అధిగమించినట్లు గైనకాలజిస్టు విభాగం హెచ్‌వోడీ ప్రొఫెసర్‌ అరుణకుమారి, ప్రొఫెసర్‌ కిరణ్మయి, అసోసియేట్ ప్రొఫెసర్‌ జరుహా, వైద్యులు అరుణజ్యోతి, కరుణప్రియ, సోని ఆదివారం తెలిపారు. వైద్యులు, సిబ్బందిని ప్రభుత్వ జనరల్‌ ఆసుపత్రి పర్యవేక్షకులు నరేందర్‌కుమార్‌ అభినందించారు.