శ్రీరామానుజర్‌ సేవలో నారా లోకేశ్‌

చెన్నై, న్యూస్‌టుడే: తమిళనాడులోని శ్రీరామానుజర్‌ ఆలయాన్ని తెదేపా ప్రధాన కార్యదర్శి లోకేశ్‌ మంగళవారం దర్శించుకున్నారు. గుంటూరు జిల్లా తాడేపల్లి మండలం ఉండవల్లిలోని నివాసం నుంచి హెలికాప్టర్‌లో బయలుదేరి చెన్నై విమానాశ్రయం చేరుకుని అక్కడి నుంచి రోడ్డు మార్గంలో శ్రీపెరుంబుదూర్‌లోని శ్రీరామానుజర్‌ ఆలయానికి వెళ్లారు. ఆలయ అధికారులు, అర్చకులు సంప్రదాయబద్ధంగా స్వాగతం పలికారు. ఆలయ ఏనుగు ఆశీస్సుల తర్వాత స్వామివారు, అమ్మవారిని దర్శించుకున్నారు. ఈవో స్వామి చిత్రపటం, తీర్థప్రసాదాలు అందించారు. దర్శనం తర్వాత చెన్నై విమానాశ్రయం చేరుకుని అక్కడి నుంచి తిరుగు ప్రయాణమయ్యారు.