విలేకర్లకు నూతన వస్త్రాల ఎర

కృష్ణా జిల్లా గన్నవరం నియోజకవర్గం బాపులపాడు మండలంలోని వైకాపా నేతలు మీడియా ప్రతినిధుల్ని మచ్చిక చేసుకునేందుకు బహుమతులు పంపిణీ చేశారు. బుధవారం సాయంత్రం హనుమాన్‌ జంక్షన్‌లోని వైకాపా కార్యాలయంలో బాహాటంగానే ఈ కార్యక్రమం చేపట్టారు. ఇటీవలే అనర్హత వేటుకు గురైన ఎమ్మెల్యే వల్లభనేని వంశీ సూచన మేరకు ఈ కార్యక్రమం నిర్వహించినట్లు తెలిసింది. వైకాపా మండల బాధ్యులు నక్కా గాంధీ, ఎ.శేషగిరిరావు, ఎంపీపీ నగేష్‌, జడ్పీటీసీ సభ్యురాలు గంగాభవానీ, సర్పంచి కమలాబాయి, సహకార సంఘం ఛైర్మన్‌ దయాల విజయనాయుడులు స్వయంగా కానుకలు అందజేశారు.

న్యూస్‌టుడే, హనుమాన్‌జంక్షన్‌