చేయూతలో వాలంటీర్ల చేతివాటం

రూ.వెయ్యి చొప్పున వసూలు చేశారంటూ వైకాపా కౌన్సిలర్‌ వీడియో ప్రదర్శన

తెనాలి(కొత్తపేట), న్యూస్‌టుడే: ‘చేయూత’ పథకం లబ్ధిదారులు 70 మంది నుంచి వార్డు వాలంటీర్లు ముడుపులు వసూలు చేశారని గుంటూరు జిల్లా తెనాలి 33వ వార్డు వైకాపా కౌన్సిలర్‌ మొగల్‌ రహమత్‌ బేగ్‌ ఆరోపించారు. గురువారం జరిగిన కౌన్సిల్‌ సాధారణ సమావేశంలో ఆయన మాట్లాడుతూ ఒక్కో లబ్ధిదారు నుంచి వాలంటీర్లు రూ.వెయ్యి చొప్పున వసూలు చేశారంటూ, సంబంధిత వీడియోను ప్రదర్శించారు. ఈ విషయాన్ని మున్సిపల్‌ అధికారుల దృష్టికి తీసుకెళ్లినా, ఇంతవరకు ఎందుకు చర్యలు తీసుకోలేదని ప్రశ్నించారు. అధికార పార్టీ సభ్యుడే ఆరోపణ చేయడం కౌన్సిల్‌లో చర్చనీయాంశమైంది.