నేడు కృష్ణా జిల్లాలో సీఎం జగన్‌ పర్యటన

గన్నవరం గ్రామీణం, న్యూస్‌టుడే: కృష్ణా జిల్లా గన్నవరం నియోజకవర్గంలో కేసరపల్లి విడిది కేంద్రంలో విశ్రాంతి తీసుకున్న సీఎం జగన్‌ సోమవారం నుంచి బస్సుయాత్రలో పాల్గొంటారు. ఉదయం 9 గంటలకు ‘మేమంతా సిద్ధం’ బస్సు యాత్ర బయలుదేరి గన్నవరం నియోజకవర్గంలో హనుమాన్‌జంక్షన్‌ బైపాస్‌ మీదుగా హనుమాన్‌జంక్షన్‌-గుడివాడ రోడ్డులోకి చేరుకుంటుంది. మధ్యాహ్నం 12 గంటలకు గుడివాడ నియోజకవర్గంలోని జొన్నపాడులో ఏర్పాటు చేసిన భోజన విరామ కేంద్రానికి చేరుకుంటుంది. స్వల్ప విరామం అనంతరం ఇదే నియోజకవర్గంలో జనార్దనపురం మీదుగా సాయంత్రం 4 గంటలకు నాగవరప్పాడు చేరుకొని అక్కడ బహిరంగ సభలో సీఎం పాల్గొంటారు. ఆ తరువాత తిరిగి పెరికీడు మీదుగా హనుమాన్‌జంక్షన్‌కు చేరుకుంటారు. అక్కడి నుంచి కలపర్రు మీదుగా రాత్రికి ఏలూరు జిల్లాలోకి ప్రవేశిస్తారు.