సీఎం వస్తున్నారని.. సాగునీటి కాలువను పూడ్చేశారు

సీఎం జగన్‌ ‘సిద్ధం’ సభలకు చెట్లు కొట్టేయడమే కాదు.. సాగునీటి కాలువలను సైతం మట్టితో పూడ్చేస్తున్నారు. శ్రీకాకుళం జిల్లా టెక్కలిలో బుధవారం నిర్వహించనున్న ‘మేమంతా సిద్ధం’ బహిరంగ సభకు ముఖ్యమంత్రి హాజరుకానున్నారు. ఈ కార్యక్రమం కోసం అక్కవరం సమీపంలో ఓ స్థిరాస్తి వెంచర్‌ను సిద్ధం చేస్తున్నారు. దానికి ఆనుకుని ఉన్న సాగునీటి కాలువను పూర్తిగా పూడ్చేశారు. జాతీయ రహదారి కింది భాగంలో 400 ఎకరాలు, చింతలగార చెరువుకు ఈ కాలువ నుంచే నీరందుతుంది. సభ పూర్తయ్యాక కాలువను పూర్వపు స్థితికి తెచ్చే బాధ్యతను ఎవరు తీసుకుంటారని రైతులు ఆందోళన వ్యక్తం చేస్తున్నారు.

న్యూస్‌టుడే, టెక్కలి