విజయనగరంలో జిందాల్‌ పరిశ్రమ మూసివేత

ఆకస్మిక నిర్ణయంతో కార్మికుల ఆందోళన

ఈనాడు-విజయనగరం: ఏపీలోని విజయనగరం జిల్లా కొత్తవలస మండలం అప్పన్నపాలెంలోని మెసర్స్‌ జిందాల్‌ స్టెయిన్‌లెస్‌ లిమిటెడ్‌ పరిశ్రమను సంబంధిత యాజమాన్యం మూసివేసింది. ముడిసరకు అందుబాటులో లేకపోవడం, స్థానికంగా తయారైన స్టీలు ఉత్పత్తులకు బహిరంగ మార్కెట్‌లో తగిన ధర రాకపోవడం, ఆర్థిక నష్టాలు తదితర కారణాలతో ఈ నిర్ణయం తీసుకున్నట్లు యాజమాన్య ప్రతినిధి దినేష్‌శర్మ ఓ ప్రకటనలో తెలిపారు. శుక్రవారం యథావిధిగా విధులకు హాజరైన కార్మికులకు పరిశ్రమ మూసివేత నోటీసు అందడంతో ఆందోళన చెందారు. పరిశ్రమ మూసివేస్తే రోడ్డున పడతామని నిరసన చేపట్టారు. వీరికి టీఎన్‌టీయూసీ, సీఐటీయూ తదితర సంఘాలు మద్దతు తెలిపాయి.