దేవాదాయ శాఖ మంత్రిగా ఉన్నారంటే..!

ఈనాడు, అమరావతి: దేవాదాయ శాఖ మంత్రిగా చేసివారు మళ్లీ గెలవరన్న సెంటిమెంట్‌ బలంగా ఉంది. ఇది.. ఈ ఎన్నికల ద్వారా మరోసారి నిరూపితమైంది. వైకాపా ప్రభుత్వంలో తొలుత విజయవాడ పశ్చిమ ఎమ్మెల్యే వెలంపల్లి శ్రీనివాస్‌ దేవాదాయ శాఖ మంత్రిగా వ్యవహరించారు. అనంతరం కేబినెట్‌ విస్తరణలో దేవాదాయశాఖ మంత్రిగా కొట్టు సత్యనారాయణ బాధ్యతలు చేపట్టారు. వీరిద్దరూ ఈ ఎన్నికల్లో ఓడిపోయారు. గతంలోలాగే ఈ సంప్రదాయం కొనసాగినట్లయింది.

సభాపతిదీ ఇదే దారి

శాసనసభాపతిగా వ్యవహరించినవారు మరోసారి ఎన్నికల్లో గెలవరు. ఈ సంప్రదాయం చాలకాలం నుంచి కొనసాగుతోంది. వైకాపా హయాంలో సభాపతిగా వ్యవహరించిన తమ్మినేని సీతారాం ఆమదాలవలస నియోజకవర్గం నుంచి మేనల్లుడు కూన రవికుమార్‌పై పోటీచేసి ఓడిపోయారు. ఈయన కంటే ముందు సభాపతిగా చేసినవారూ ఇలాగే తదుపరి ఎన్నికల్లో ఓటమిని చవిచూశారు.