తిరుపతి మురుగుమయం

మురుగుమయంగా తిరుపతిలోని ఏపీఎస్‌ ఆర్టీసీ - లీలామహల్‌ మార్గం

ఈనాడు, తిరుపతి: తిరుపతిలో బుధవారం ఎడతెరిపి లేకుండా వర్షం కురిసింది. ఇన్నాళ్లు మురుగు కాలువలు సరిగా నిర్వహించకపోవడంతో వర్షం నీరు ముందుకు సాగడంలేదు. కాలువలో పడిన నీరంతా మురుగుతో కలిసి ఒక్కసారిగా రోడ్డుపైకి చేరింది. మోకాళ్లు మునిగే వరకు వచ్చిన మురుగుతో ప్రయాణికులు తీవ్రంగా ఇబ్బందిపడ్డారు. ఏపీఎస్‌ ఆర్టీసీ నుంచి లీలామహల్‌ కూడలి వరకు మార్గంలో కొర్లగుంట వద్ద రహదారి పూర్తిగా మురుగుమయమైంది. శ్రీవారి భక్తులు, ప్రయాణికులు అందులోనే రాకపోకలు సాగించారు. సెంట్రల్‌ బస్టాండ్‌ వర్షం నీటితో తటాకాన్ని తలపించింది.