శుభాకాంక్షలు తెలిపిన వారికి ధన్యవాదాలు: పవన్‌

దిల్లీలో ప్రధాని నరేంద్ర మోదీని గురువారం ఉదయం కలిసి పుష్పగుచ్ఛం అందజేస్తున్న జనసేనాని పవన్‌కల్యాణ్‌. చిత్రంలో పవన్‌ భార్య అన్నా లెజ్నోవా, కుమారుడు అకీరా నందన్‌

ఈనాడు, అమరావతి: సార్వత్రిక ఎన్నికల్లో జనసేన సాధించిన విజయాన్ని అభినందిస్తూ శుభాకాంక్షలు తెలిపిన వారందరికీ ఆ పార్టీ అధినేత పవన్‌ కల్యాణ్‌ గురువారం ఓ ప్రకటనలో ధన్యవాదాలు తెలియజేశారు. రైతులు, పారిశ్రామికవేత్తలు, విద్యావంతులు, మేధావులు, మహిళలు, యువత, సామాజికవేత్తలు అభినందనలు అందించారని పేర్కొన్నారు. తెలుగు చిత్ర పరిశ్రమలోని ప్రముఖ కథానాయకులు, నటులు, నిర్మాతలు, దర్శకులు, సాంకేతిక నిపుణులు సైతం శుభాకాంక్షలు తెలిపారని, వారందరికీ ధన్యవాదాలు తెలియజేశారు.