ఎస్కేయూలో వైఎస్‌ విగ్రహం తొలగింపు

పాలకమండలి తీర్మానం మేరకు నిర్ణయం

రాజశేఖరరెడ్డి విగ్రహాన్ని తరలిస్తున్న విశ్వవిద్యాలయ సిబ్బంది

ఎస్కేయూ, న్యూస్‌టుడే: శ్రీకృష్ణదేవరాయ వర్సిటీలో మాజీ సీఎం వైఎస్‌ రాజశేఖరరెడ్డి విగ్రహాన్ని అధికారులు తొలగించారు. వైకాపా హయాంలో విద్యార్థులు వ్యతిరేకించినా అప్పటి వీసీ రామకృష్ణారెడ్డి వర్సిటీలో ఈ విగ్రహాన్ని ఏర్పాటుచేశారు. గురువారం టీఎన్‌ఎస్‌ఎఫ్‌ నాయకులు, పూర్వ విద్యార్థులు ఎస్కేయూలో ఆందోళన చేశారు. వర్సిటీలో రాజకీయ నేతల విగ్రహం తొలగించాలని ఉప కులపతికి విజ్ఞప్తిచేశారు. వెంటనే తొలగించకపోతే తామే తొలగిస్తామని హెచ్చరించారు. గురువారం సాయంత్రం పాలకమండలి సమావేశం వర్చువల్‌ విధానంలో నిర్వహించారు. వైఎస్‌ విగ్రహం తొలగించాలని సమావేశంలో తీర్మానించారు. శుక్రవారం ఉదయం 7 గంటలకే చర్యలు చేపట్టి, పోలీసు బందోబస్తు మధ్య విగ్రహాన్ని తొలగించారు.