ప్రధాని మోదీ ఏపీ పర్యటన ఖరారు

ఈనాడు, అమరావతి: రాష్ట్ర ముఖ్యమంత్రిగా చంద్రబాబునాయుడి ప్రమాణ స్వీకారోత్సవానికి ప్రధాని నరేంద్ర మోదీ హాజరుకానున్నారు. ఆయన పర్యటన షెడ్యూల్‌ బుధవారం ఖరారైంది. ఈనెల 12న ఉదయం 8.20కి ప్రధాని దిల్లీ ఎయిర్‌పోర్టు నుంచి బయలుదేరి, 10.40 గంటలకు గన్నవరం విమానాశ్రయానికి చేరుకుంటారు. 10.55కు విమానాశ్రయం నుంచి రోడ్డు మార్గాన కార్యక్రమం జరిగే కేసరపల్లిలోని ఐటీ పార్కు మైదానానికి వస్తారు. 11 నుంచి 12.30 గంటల వరకు ముఖ్యమంత్రి, మంత్రుల ప్రమాణ స్వీకార కార్యక్రమంలో పాల్గొంటారు. 12.40కి అక్కడి నుంచి బయల్దేరి గన్నవరం విమానాశ్రయం మీదుగా ఒడిశా రాజధాని భువనేశ్వర్‌కు వెళ్తారు.