Road Accident: అధ్వాన రహదారితో అంబులెన్సుకు ప్రమాదం

కాల్వలోకి దూసుకెళ్లిన అంబులెన్సు

కోడూరు (అవనిగడ్డ గ్రామీణం), న్యూస్‌టుడే: రాష్ట్రంలోని అధ్వాన రహదారుల కారణంగా రోడ్డు ప్రమాదాలు అంతకంతకూ పెరుగుతున్నాయి. మంగళవారం ఇలాగే 108 వాహనం ప్రమాదానికి గురైంది. కృష్ణా జిల్లా కోడూరు మండలానికి చెందిన అంబులెన్సులో అవనిగడ్డ ప్రభుత్వ ఆసుపత్రిలో ఓ రోగిని చేర్పించి తిరుగు ప్రయాణమయ్యారు. రహదారి అధ్వానంగా ఉండడంతో జయపురం సమీపంలో వాహనం కుదుపులకు గురై స్టీరింగ్‌ వద్ద సాంకేతిక సమస్య తలెత్తింది. దీంతో అంబులెన్సు అదుపుతప్పి కాల్వలోకి దూసుకెళ్లింది. ఈ ప్రమాదంలో డ్రైవర్, సిబ్బంది స్వల్ప గాయాలతో బయటపడ్డారు. వారం రోజుల క్రితం ఇదే ప్రాంతంలో ఒక కారు ప్రమాదానికి గురైంది.