iPhone 17 series: ఈసారి ఐఫోన్‌ 17 సిరీస్‌ ధరల పెంపు..! ఎంత ఉండొచ్చంటే..?

ఇంటర్నెట్‌ డెస్క్‌: టెక్‌ ప్రియులు ఎంతగానో ఎదురుచూస్తున్న ఐఫోన్‌ 17 సిరీస్‌ (iPhone 17 series) ఫోన్లు సెప్టెంబర్‌ 9న లాంచ్‌ కానున్నాయి. ఈ సిరీస్‌లో నాలుగు మోడల్స్‌ రానున్నట్లు తెలుస్తోంది. వీటిల్లో ఐఫోన్‌ 17, ఐఫోన్‌ 17 ఎయిర్‌, ఐఫోన్‌ 17 ప్రో, ఐఫోన్‌ 17 ప్రో మ్యాక్స్‌ ఉండనున్నట్లు సమాచారం. అయితే.. గతంతో పోల్చితే ఈసారి వచ్చే మోడళ్లలో భారీ అప్‌గ్రేడ్‌లు ఉంటాయని.. ఈ కారణంగా ధరల పెరుగుదలకు అవకాశముందని టెక్‌ నిపుణులు సూచిస్తున్నారు.

ఇటీవల ఐఫోన్‌ 17, ఐఫోన్‌ 17 ప్రో మోడళ్ల అమెరికా ధరలు లీకయ్యాయి. దాదాపు 50 డాలర్ల పెంపు ఉన్నట్లు తెలుస్తోంది. దీంతో ఈ సిరీస్‌లో వచ్చే ఫోన్లు మరింత ఖరీదు కానున్నట్లు సమాచారం. లీకైన వివరాలను బట్టి ఐఫోన్‌ 17 సిరీస్‌ ధరలు ఎంత ఉండొచ్చంటే..?

• ఐఫోన్‌ 17 128జీబీ వేరియంట్‌ ధర ఈసారి $849 లేదా ₹84,990 ఉండే అవకాశం ఉన్నట్లు తెలుస్తోంది.
• గత ఐఫోన్‌ 16ప్రో ధర $999 గా ఉండగా.. ఈసారి ఐఫోన్‌ 17 ప్రో ధర $1,049 లేదా ₹1,24,990 ఉండనున్నట్లు సమాచారం.
• ఇక ఐఫోన్‌ 17 ప్రో మ్యాక్స్‌ ధర $1,249 లేదా ₹1,50,000కు పెరగవచ్చని సమాచారం.

• యాపిల్‌ బిగ్‌ ఈవెంట్ ఎప్పుడు? ఈసారి ఏమేం రాబోతున్నాయ్‌?

అయితే ఈ ధరలపై యాపిల్‌ (Apple) సంస్థ నుంచి ఎలాంటి అధికారిక సమాచారం లేదు. ఐఫోన్‌ 17 సిరీస్‌ లాంచ్‌ ఈవెంట్‌ సెప్టెంబర్‌ 9న రాత్రి 10.30 గంటలకు ఉండనుంది. దీనిని Apple.com, Apple TVలో ప్రత్యక్ష ప్రసారం ద్వారా వీక్షించవచ్చు.