27 విమానాల్లో ప్రీమియం ఎకానమీ సీట్లు: ఎయిరిండియా

దిల్లీ: 27 లెగసీ ఏ320 నియో విమానాల రెట్రోఫిట్‌ (నవీకరణ) పూర్లయినట్లు ఎయిరిండియా శుక్రవారం వెల్లడించింది. వీటిలో ప్రీమియం ఎకానమీ క్లాస్‌ సీట్లు అందుబాటులోకి వచ్చాయని తెలిపింది. ఈ విమానాల రెట్రోఫిట్‌ కార్యక్రమం 2024 సెప్టెంబరులో ప్రారంభమైంది. మొత్తం విమానాలను ఆధునికీకరించడం కోసం కంపెనీ 400 మి.డాలర్లతో చర్యలు చేపట్టింది. ప్రస్తుతం ఎయిరిండియాకు 190 విమానాలు ఉన్నాయి. ఇందులో లెగసీ బోయింగ్‌ 787, 777లతో పాటు కొత్త ఏ350 విమానాలున్నాయి. రెట్రోఫిట్‌ చేసిన విమానాలతో పాటు ఇతర నేరో బాడీ విమానాలు- 13 ఏ320 సీఈఓలు, 4 ఏ321 సీఈఓలు, 6 ఏ319 విమానాలను ఎయిరిండియా కలిగి ఉంది. కొత్తగా 14 ఏ320 విమానాలను సంస్థ లీజుకు తీసుకుంది.