ఏసీసీ లాభం అయిదు రెట్లు

సిమెంటు తయారీ అగ్రగామి సంస్థ ఏసీసీ లిమిటెడ్, సెప్టెంబరు త్రైమాసికానికి రూ.1119.26 కోట్ల ఏకీకృత నికరలాభాన్ని ప్రకటించింది. 2024-25 ఇదే కాల లాభం రూ.199.7 కోట్ల కంటే ఇది అయిదు రెట్ల కంటే అధికం. ఏకీకృత ఆదాయం కూడా రూ.4542.23 కోట్ల నుంచి రూ. 5896.16 కోట్లకు పెరిగింది. ఇదే సమయంలో వ్యయాలు రూ.4473.67 కోట్ల నుంచి రూ.5393.42 కోట్లకు చేరాయి. సిమెంటు, అనుబంధ కార్యకలాపాల ఆదాయం రూ.4373.41 కోట్ల నుంచి రూ.5519.18 కోట్లకు; రెడీమిక్స్‌ కాంక్రీట్‌ విభాగ ఆదాయం రూ.289.1 కోట్ల నుంచి రూ.  453.62 కోట్లకు వృద్ధి చెందింది.