తగ్గిన వాణిజ్య సిలిండర్‌ ధర

హైదరాబాద్‌: వాణిజ్య అవసరాలకు వినియోగించే 19 కిలోల ఎల్‌పీజీ సిలిండర్‌ ధర శనివారం హైదరాబాద్‌లో రూ.1817.50 నుంచి రూ.6 తగ్గి, రూ.1811.50కి చేరింది. గృహ అవసరాలకు వినియోగించే సిలిండర్‌ ధరలో ఏ మార్పూ లేదు. 

విమాన ఇంధన (ఏటీఎఫ్‌) ధరను చమురు సంస్థలు కిలో లీటరుకు రూ.777 పెంచాయి. దీంతో దేశ రాజధాని దిల్లీలో ఏటీఎఫ్‌ కిలో లీటరు ధర రూ.94,543కు చేరింది. ఏటీఎఫ్‌ ధర పెరగడం వరుసగా ఇది రెండో నెల. అక్టోబరు 1న కిలో లీటరు ధరను రూ.3,052 పెంచాయి. విమానయాన సంస్థల నిర్వహణ వ్యయంలో దాదాపు 40% ఇంధన వాటానే ఉంటుంది.  

ప్రభుత్వ రంగ సంస్థలైన ఐఓసీ, హెచ్‌పీసీఎల్, బీపీసీఎల్‌.. అంతర్జాతీయ ఇంధన ధరలు, డాలరుతో రూపాయి మారకపు విలువ ఆధారంగా ప్రతి నెలా ఏటీఎఫ్, ఎల్‌పీజీ ధరలను సవరిస్తాయి.