Elon Musk: మరో రెండు వారాల్లో గ్రోకీపీడియా : మస్క్‌

ఇంటర్నెట్‌డెస్క్‌: టెస్లా అధినేత ఎలాన్‌ మస్క్‌ (Elon Musk) మరో సంచలనానికి తెరతీశారు. నాలెడ్జి ప్లాట్‌ఫామ్‌ వికీపీడియా తరహాలోనే కొత్త దానిని ప్రారంభించనున్నట్లు పేర్కొన్నారు. ఈ విషయాన్ని ఆయన ఎస్క్‌ పోస్టులో వెల్లడించారు. దానికి గ్రోకీపీడియా(Grokipedia)గా పేర్కొన్నారు. దీని 0.1 బీటా వెర్షన్‌ మరో రెండు వారాల్లో అందుబాటులో ఉంటుందని చెప్పారు. 

గ్రోకీపీడియా (Grokipedia)ను మస్క్‌కు చెందిన కృత్రిమ మేధ కంపెనీ ఎక్స్‌ఏఐ సిద్ధం చేస్తోంది. @amXFreeze అనే ఎక్స్‌యూజర్‌ ‘‘మనుషులకు, కృత్రిమ మేధకు ప్రపంచంలోనే అత్యంత కచ్చితమైన నాలెడ్జ్‌ సోర్స్‌. దీనికి హద్దులు లేవు’’ అంటూ చేసిన పోస్టును మస్క్‌ రీపోస్టు చేశారు. 

డేటా సెంటర్లకు ఏఐ కళ

గ్రోకీపీడియాకు సంబంధించిన ఫీచర్లను మస్క్‌ ఇప్పటి వరకు అధికారికంగా వెల్లడించలేదు. వాస్తవాలను వెల్లడించడం కోసమే మస్క్‌ ఈ ప్లాట్‌ఫామ్‌ను తయారు చేస్తున్నారు. ఇక సెప్టెంబర్‌ నెలలో కూడా మస్క్‌ గ్రోకీపీడియా ప్రస్తావన తీసుకొచ్చారు. తాజాగా దాని బీటా వెర్షన్‌ డేట్‌ను విడుదల  వివరాలు వెల్లడించడం విశేషం. దీనిని ఎక్స్‌ యాప్‌తోనే అనుసంధానించి ఇచ్చే అవకాశం ఉంది.