Murder: ఇద్దరు చిన్నారుల హత్య.. నిందితుడి ఎన్‌కౌంటర్‌

లఖ్‌నవూ: ఉత్తర్‌ప్రదేశ్‌ రాజధాని లఖ్‌నవూలో దారుణం చోటు చేసుకుంది. స్థానిక బాబా కాలనీలోని తమ ఇంట్లో ఆడుకుంటున్న 12, 8 ఏళ్ల వయసున్న ఇద్దరు అన్నదమ్ములను ఓ వ్యక్తి దారుణంగా హత్య చేశాడు. వారి గొంతులు కోసేసి అక్కడి నుంచి పరారయ్యాడు. కోపోద్రిక్తులైన స్థానికులు.. అక్కడి ఓ దుకాణానికి నిప్పటించారు. సమాచారం అందుకున్న పోలీసులు నిందితుడి కోసం గాలింపు చర్యలు చేపట్టగా.. వారిపై కాల్పులకు తెగబడ్డాడు. దీంతో పోలీసులు అతడిని ఎన్‌కౌంటర్‌ చేసి హతమార్చారు. నిందితుడిని కూడా స్థానికుడిగానే గుర్తించారు. అయితే, హత్య చేయడానికి గల కారణాలు మాత్రం తెలియరాలేదు. కేసు నమోదు చేసుకున్న పోలీసులు దర్యాప్తు చేస్తున్నారు.