iPhones: విమానాశ్రయంలో 57 ఐఫోన్లు, బంగారం సీజ్‌

అమృత్‌సర్‌: పంజాబ్‌లోని అమృత్‌సర్‌ అంతర్జాతీయ విమానాశ్రయంలో కస్టమ్స్‌ అధికారులు పెద్ద సంఖ్యలో ఐఫోన్లు స్వాధీనం చేసుకున్నారు. షార్జా నుంచి అమృత్‌సర్‌ విమానాశ్రయానికి చేరుకున్న ఇద్దరు ప్రయాణికుల నుంచి 57ఐఫోన్లు, 490 గ్రాముల బంగారు ఆభరణాలను సీజ్‌ చేశారు. ఆగస్టు 15 రోజున ఇద్దరు ప్రయాణికులను అడ్డుకొని తనిఖీ చేయగా.. ఒకరి నుంచి 29 ఐఫోన్లు 245 గ్రాముల బంగారం, మరో వ్యక్తి నుంచి 28 ఐఫోన్లు, 245 గ్రాముల బంగారం గొలుసు, ఉంగరాలను గుర్తించి స్వాధీనం చేసుకున్నట్టు ఓ ప్రకటనలో తెలిపారు. వీటి మార్కెట్‌ విలువ రూ.94.83లక్షలు ఉంటుందని తెలిపారు. ఈ ఘటనలో కేసు నమోదు చేసి దర్యాప్తు చేస్తున్నట్టు పేర్కొన్నారు.