J&K: లోయలో పడ్డ ప్రయాణికుల వాహనం.. ఏడుగురు మృతి

శ్రీనగర్‌: జమ్మూకశ్మీర్‌లోని బరాముల్లాలో ఘోర రోడ్డు ప్రమాదం జరిగింది. ప్రయాణికుల వాహనం లోయలో పడి ఏడుగురు మృత్యువాత పడ్డారు. మరో ఏడుగురు గాయపడ్డారు. ఉత్తర కశ్మీర్‌లోని ఉరిలో బొనియార్‌ ప్రాంతం వద్ద ఈ ఘటన జరిగింది. క్షతగాత్రులను సమీప ఆస్పత్రికి తరలించి చికిత్స అందిస్తున్నారు.  

జమ్మూ ప్రాంతంలోని కిష్త్వార్‌లోని మార్వాన్ ప్రాంతంలో మరో ప్రమాదం చోటుచేసుకుంది. రహదారి పనుల్లో ఉన్న స్నో కట్టర్‌ మిషన్ ప్రమాదానికి గురైంది. ఈ ఘటనలో ఇద్దరు మృతి చెందారు. బారాముల్లా, కిష్త్వార్‌లో జరిగిన రోడ్డు ప్రమాదాల్లో ప్రాణాలు కోల్పోయిన వారి కుటుంబాలకు అండగా ఉంటామని లెఫ్టినెంట్ గవర్నర్ మనోజ్ సిన్హా ప్రకటించారు. వారికి ₹5 లక్షల చొప్పున పరిహారం అందజేస్తామని తెలిపారు. ప్రమాదంలో గాయపడిన వారికి ₹లక్ష పరిహారం ఇవ్వనున్నట్లు వెల్లడించారు.