ప్రభుత్వ న్యాయవాదుల సమావేశంలో అపశ్రుతి.. గుండెపోటుతో ఏపీపీ మృతి

గుంటూరు: గుంటూరు వైద్యకళాశాలలోని జింఖానా ఆడిటోరియంలో జరిగిన రాష్ట్రస్థాయి (ప్రభుత్వ న్యాయవాదుల)పబ్లిక్‌ ప్రాసిక్యూటర్ల సమావేశంలో అపశ్రుతి చోటు చేసుకుంది. విశాఖ మేజిస్ట్రేట్‌ కోర్టులో ఏపీపీగా బాధ్యతలు నిర్వర్తిస్తున్న గాయత్రి గుండెపోటుతో మృతి చెందారు. అడ్వకేట్ జనరల్ ఆధ్వర్వంలో జరిగిన ఈ సమావేశంలో రాష్ట్రంలోని పలు జిల్లాలకు చెందిన పబ్లిక్ ప్రాసిక్యూటర్లు పాల్గొన్నారు. విశాఖ నుంచి వచ్చిన ఏపీపీ గాయత్రి ఈ కార్యక్రమంలో పురస్కారం అందుకున్నారు. ఈ సందర్భంగా  ఆమె ఒక్కసారిగా గుండెపోటుతో కుప్పకూలిపోయారు. ఆమెను వెంటనే ఓ ప్రైవేటు ఆస్పత్రికి తరలించగా, మృతి చెందినట్లు వైద్యులు ధ్రువీకరించారు.