Crime News: చెల్లిపై అక్క లైంగిక వేధింపులు.. పోలీసులకు ఫిర్యాదు

సొంత అక్క తనను లైంగికంగా వేధిస్తోందని పోలీసులకు ఫిర్యాదు చేసింది ఓ యువతి. మహారాష్ట్ర పుణె జిల్లాలో ఈ ఘటన చోటుచేసుకుంది. పోలీసులు తెలిపిన వివరాల ప్రకారం.. 24 ఏళ్ల అక్క ఉన్నత విద్యావంతురాలు. ఆమెకు వివాహం అయింది. 18 ఏళ్ల చెల్లి.. కొద్ది రోజులుగా అక్కతో పాటు విమానగర్‌ ప్రాంతంలో ఉంటోంది. ఈ నెల 23న చెల్లి హాలులో నిద్రిస్తోంది. సోదరి అక్కడకు వచ్చి చెల్లిని లైంగికంగా వేధించడం మొదలు పెట్టింది. ఇది తప్పు అని చెల్లి ఎంత వారిస్తున్నా వినలేదు. దీంతో పోలీస్‌ స్టేషన్‌కు వెళ్లిన చెల్లి.. అక్కపై ఫిర్యాదు చేసింది.