Magic Mirror: ‘మాయా అద్దం’లో వారిని నగ్నంగా చూడొచ్చని ఆశపడ్డాడు.. చివరికి జరిగిందిదీ!

‘మాయా అద్దం’తో మనుషులను నగ్నంగా చూడొచ్చంటూ ముగ్గురు దుండగులు 72 ఏళ్ల వృద్ధుణ్ని మోసం చేశారు. ఈ మేరకు ఉత్తర్‌ప్రదేశ్‌కు చెందిన అవినాశ్‌ కుమార్‌ (72) వద్దకు పార్థ సింగ్రే, మొలయా సర్కార్‌, సుదీప్తా సిన్హారాయ్‌లు వెళ్లారు. తాము పురాతన వస్తువులను సేకరించే ప్రముఖ కంపెనీలో పనిచేస్తున్నట్లు పరిచయం చేసుకున్నారు. తమ వద్ద ఓ ‘మ్యాజిక్‌ మిర్రర్‌’ (మాయా అద్దం) ఉందని.. దానితో మనుషులను నగ్నంగా చూడొచ్చని, భవిష్యత్తును కూడా అంచనా వేయవచ్చని మాయమాటలు చెప్పారు. రూ.2 కోట్ల విలువైన మాయా అద్దాన్ని కేవలం రూ.9 లక్షలకే విక్రయిస్తామని ఆశ చూపారు. అవినాశ్‌ కుమార్‌ తొలుత ఈ విషయమై సందేహం వ్యక్తం చేశాడు. దీంతో నిందితులు.. అమెరికా నాసా శాస్త్రవేత్తలు సహా అనేక మంది ఉపయోగించారంటూ నమ్మకం కలిగించారు. అనంతరం ఒడిశా రాజధాని భువనేశ్వర్‌ వెళ్లిన అవినాశ్‌ కుమార్‌ అక్కడ రూ.9 లక్షలు చెల్లించి.. ఆ మ్యాజిక్‌ మిర్రర్‌ను కొన్నాడు. చివరకు అదంతా మోసమని తెలుసుకుని పోలీసులను ఆశ్రయించాడు. పశ్చిమబెంగాల్‌లో నిందితులను అదుపులోకి తీసుకున్నారు.