చెట్టుకు తలకిందులుగా వేలాడదీసి దాడి

ఫోన్‌ చోరీ చేశాడన్న అనుమానంతో యువకుడిపై దాష్టీకం

మిర్జాపుర్‌: ఉత్తర్‌ప్రదేశ్‌లోని మిర్జాపుర్‌లో దారుణం చోటుచేసుకుంది. మొబైల్‌ ఫోన్‌ చోరీ చేశాడన్న అనుమానంతో ఓ యువకుణ్ని కొందరు వ్యక్తులు చెట్టుకు తలకిందులుగా వేలాడదీసి విచక్షణారహితంగా చితకబాదారు. దీనికి సంబంధించిన వీడియో బుధవారం సామాజిక మాధ్యమాల్లో వైరల్‌ కావడంతో ఈ విషయం వెలుగులోకి వచ్చింది. ఈ నెల 3న తన కుమారుడు జైశంకర్‌ బహేలియా(25)ను నలుగురు వ్యక్తులు ఇంటి నుంచి బలవంతంగా తీసుకెళ్లి దాడికి పాల్పడినట్లు బాధితుడి తల్లి పోలీసులకు ఫిర్యాదు చేసింది. ఈ ఘటనలో ఇప్పటివరకూ ముగ్గురు నిందితులను అరెస్టు చేసినట్లు పోలీసులు తెలిపారు.